"რუსული პოლიტიკური როქი" საერთაშორისო საზოგადოებისთვის და რეგიონისთვის დამაფიქრებელი სიგნალია. ასე აფასებს საქართველოს საგარეო უწყება ვლადიმერ პუტინისა და დიმიტრი მედვედევის "როქს", რომლის მიხედვითაც პრეზიდენტი და პრემიერი 2012 წელს დაკავებულ თანამდებობებს გაცვლიან.
"ეს წინასწარ დაგეგმილი მოვლენა იყო და ახალ ამბავს არ წამოადგენს. ამან გამოაჩინა ჩვენი სისწორე იმასთან დაკავშირებით თუ ვინ მართავს რეალურად რუსეთს. ეს კიდევ ერთი დამაფიქრებელი სიგნალია როგორც საერთაშორისო საზოგადოებისთვის, ასევე რეგინოსთვის", - განაცხადა დღეს გამართულ ტრადიციულ ბრიფინგზე საქართველოს საგარეო საქმეთა მინისტრის მოადგილე დავით ჯალაღანიამ.
შეგახსენებთ, რომ რუსეთის მმართველი პარტიის "ედინაია რასიას" ყრილობაზე პუტინმა და მედვედევმა "პოლიტიკური როქის" შესახებ განაცხადეს.
რუსეთის მმართველთა მიერ გაჟღერებული ინფორმაციით, პუტინი კვლავ დაბრუნდება ქვეყნის პრეზიდენტად, ხოლო დიმიტრი მედვედევი პრემიერ მინისტრის პოსტს დაიკავებს.
