"ქრისტიან-დემოკრატიული მოძრაობის" ლიდერები თელავის რაიონში წინასაარჩევნო კამპანიას განაგრძობენ. გიორგი ახვლედიანი, ლევან ვეფხვაძე, რატი მაისურაძე და თელავის შუალედური საპარალემნტო არჩევნების მაჟორიტარობის კანდიდატი ნიკო ლაშხი დღეს სოფელ კურდღელაურში იმყოფებოდნენ. ლიდერები ჰიბრიდული და ქართული ჯიშის სიმინდის ყანებში გავიდნენ და ამ კუთხით ხელისუფლების პოლიტიკა გააკრიტიკეს.
"ჩვენ თვალნათლივ ვხედავთ, რამდენად უკეთესი მოსავალია იმ ყანაში, სადაც გლეხებმა ქართული ტრადიციული ჯიშის სიმინდი დათესეს და როგორ ვერ იხარა ხელისუფლების მიერ პროპაგანდირებულმა ჰიბრიდულმა სიმინდმა. შესაბამისად, ჩვენ შეგვიძლია დავეთანხმოთ მმართველ პარტიას და თამმად ვთქვათ, რომ თელავიც და მთელი საქართველო ნამდვილად მეტს იმსახურებს. ჩვენ ვამბობთ რომ ახლა დროა პროფესიონალებთან ერთად საქმის კეთების" - განაცხადა ლევან ვეფხვაძემ.
