ეკა ბესელია მთავარ პროკურატურას ქუთაისში მეტალურგების აქციის დაშლის და მათი დაკავების საკითხზე რეაგირებას სთხოვს. მოძრაობა უკანონო პატიმრების ლიდერი მიიჩნევს, რომ 15 სექტემბერს ქუთაისის მეტალურგიული ქარხანა ,,ჰერკულესის" მიმდებარე ტერიტორიაზე მუშათა გაფიცვის დაშლის ფაქტი და მათი დაპატიმრება კიდევ ერთი, მორიგი უკანონობის გამოვლინებაა სამართალდამცავი ორგანოების მხრიდან
გაფიცვის მიმდინარეობისას ადგილი ჰქონდა რამდენიმე ინციდენტს, რომლის დროსაც დაირღვა გაფიცვის მონაწილეთა უფლებები.პოლიციის თანამშრომლებმა მოითხოვეს აქციის დაშლა და დააკავეს აქციის მონაწილეთა ნაწილი.
აქციის მონაწილეები რამდენიმე საათის განმავლობაში იმყოფებოდნენ ქუთაისის შს საქალაქო სამმართველოში, სადაც მათ დააწერინეს ხელწერილები იმის თაობაზე, რომ დასაქმებულები აღარ გააგრძელებდნენ გაფიცვაში მონაწილეობას და დაუბრუნდებოდნენ სამსახურს, წინააღმდეგ შემთხვევაში პასუხს აგებდნენ კანონით დადგენილი წესით. არც დაკავებისას და არც მის შემდგომ სამართალდამცავთა მხრიდან არ მომხდარა აქციის მონაწილეთათვის მათი დაკავების საფუძვლის განმარტება, ამასთან, მათი პოლიციის შენობაში ყოფნის პერიოდში ე.წ ხელწერილების გარდა არ შემდგარა არანაირი სამართლებრივი დოკუმენტი",- აცხადებს ბესელია და მომხდარს ადამიანის უფლებათა და თავისუფლებათა დეკლარაციისა და ევროპული კონვენციით დაცული უფლებების დარღვევად აფასებს.
