აფხაზურ და ქართულ მხარეებს შორის გადასვლის ოფიციალური პუნქტების გახსნის შესახებ შეთანხმების მიღწევა - საქართველოსა და აფხაზეთს შორის არსებული საზღვრის ცივილიზებული გადაკვეთის ერთადერთი საშუალებაა. ეს განცხადება აფხაზეთის ე.წ. პრეზიდენტის რწმუნებულმა გალის რაიონში რუსლან ქიშმარიამ გალში ინციდენტების პრევენციისა და მათზე რეაგირების სამუშაო ჯგუფების შეხვედრის კომენტირებისას გააკეთა.
მანვე განმარტა, რომ აფხაზეთის ყველა მაცხოვრებელს, ვინც აფხაზურ-ქართულ საზღვარს გადადის საქართველოს ტერიტორიაზე არეგისტრირებენ, რაც ადრე არ კეთდებოდა.
ქიშმარია ასევე აცხადებს, რომ "საქართველოს ხელისუფლებას დროთა განმავლობაში მოუწევს ქართულ-აფხაზური სახელმწიფო საზღვრის ფაქტობრივი აღიარება".
მისივე თქმით, ამ დროისათვის უკვე სრულდება საქართველოსთან არსებული ე.წ. სახელმწიფო საზღვრის კეთილმოწყობა, რაც მომავალში გადაწყვეტს პრობლემებს რომლებიც საზღვრის უკანონოდ გადაკვეთასთან დაკავშირებით იქმნება.
