საფრანგეთი რწმენის თავისუფლებას ზღუდავს. ბრიტანული "დეილი ტელეგრაფი" წერს, რომ საფრანგეთის ქუჩებში ლოცვა აიკრძალება. ქვეყნის შინაგან საქმეთა სამინისტრომ უკვე დაადასტურა, რომ პოლიციას აქვს უფლება, მუსულმანებისა და სხვა ნებისმერი სარწმუნოების წარმომადგენლის მიმართ, რომელიც არ დაემორჩილება კანონს და ქუჩაში ილოცებს, შესაბამისი ღონისძიება გაატაროს.
"მე პირადად გავაკონტროლებ, რომ კანონი იყოს დაცული, ქუჩაში ლოცვა შეურაცხყოფს ჩემს თანამემამულეებს და სეკულარიზმის პრინციპებს არღვევს", - განაცხადა საფრანგეთის შინაგან საქმეთა მინისტრმა კლოდ გეინმა
მან დასძინა, რომ ყველა მუსულმანი ქვეყნის ლიდერი ამ კანონს ეთანხმება.
ვრცელდება ინფორმაცია, რომ ანალოგიური კანონები და შეზღუდვები, შესაძლოა, საფრანგეთის სხვა ქალაქებშიც დაწესდეს.
