პალესტინის ავტონომიის პრეზიდენტმა აბუ-მაზენმა ისრაელის პრემიერ-მინისტრს ბენიამინ ნეთანიაჰუს საბოლოო წინადადება შესთავაზა და გაახმოვანა პირობა, რომლის დაცვის შემთხვევაში პალესტინა გაეროს დამოუკიდებლობის აღიარების თხოვნით არ მიმართავს. ინფორმაციას ამის შესახებ ისრაელის მედია ავრცელებს.
ისრაელი ან უნდა დასთანხმდეს იმას, რომ 1967 წლის საზღვრები გახდეს საზღვრების შესახებ შეთანხმების საფუძველი ან მშენებლობები უნდა შეაჩეროს.
"იმის გამო, რომ ისრაელის მთავრობის მეთაურს არც ერთი არ წინადადების მიღება არ შეუძლია, ალბათ, ისინი მოწოდებულია მხოლოდ იმისთვის, რათა მსოფლიო დარწმუნდეს, რომ სწორედ ისრაელი უშლის ხელს მოლაპარაკებებს", _ წერს ებრაული მედია.
გავრცელებული ინფორმაციით, შიმონ პერესი ცდილობდა დაერწმუნებინა ნეთანიაჰუ, მიეღო აშშ-ის პრეზიდენტ ობამას ფორმულა: "1967 წლის საზღვრები, როგორც საფუძველი მოლაპარაკებებისა ურთიერთტერიტორიული დათმობებით", მაგრამ პრემიერმა უარი თქვა. ახლა კი პალესტინელები მოიწოდებენ პერესს, ისრაელის მოსახლეობას გამოუცხადოს, რომ სწორედ ნეთანიაჰუ ამუხრუჭებს სამშვიდობო პროცესს და არა აბუ-მაზენი.
