საქართველოს საგარეო საქმეთა სამინისტრო გაზეთ "კომერსანტის" მიერ გავრცელბეულ ინფორმაციას უარყოფს. როგორც "ჯი-ეიჩ-ენ-ს" საგარეო საქმეთა მინისტრის მოადგილე დავით ჯალაღანიამ განუცხადა, არც ქართველი დიპლომატების გამოწვევა იგეგმება ამ ეტაპზე რუსეთიდან და არც რუსი დიპლომატების გაძევება საქართველოდან.
"ეს მოხლოდ რუსული მედიის მიერ გავრცელებული ინფორმაციაა. ამ ეტაპზე ასეთი გადაწყვეტილება მიღებული არ არის" - განმარტა "ჯი-ეიჩ-ენთან" საუბარში ჯალაღანიამ.
შეგახსენებთ რომ გაზეთ "კომერსანტის" ინფორმაციით მოსკოვში მდებარე სასტუმრო სახლ "თბილისის" გაყიდვის საპასუხოდ ქართული მხარე ადეკვატური ღონისძიებების განხორციელებას აპირებს. კერძოდ მოსკოვიდან საქართველოს საკონსულოს თანამშრომლების გამოწვევასა და საქართველოდან რუსეთის ინტერესების დამცველ სექციაში დასაქმებული რუსი დიპლომატების გაძევებას გეგმავს.
