დღეიდან ჩრდილო ატლანტიკური ალიანსის შესახებ ინფორმაციის მიღება ნებისმიერ მსურველს ქობულეთშიც შეეძლება.
ნატოს საინფორმაციო კუთხე სასტუმრო "ჯორჯიან პალასში" გაიხსნა. ბუკლეტები სამ ენაზე - ქართულ, აზერბაიჯანულ და სომხურ ენებზეა დაბეჭდილი.
ყველა დაინტერესებულ პირს აქვე შეუძლია გაიგოს, რას წარმოადგენს ნატო და რა ნაბიჯებს დგამს საქართველო ალიანსში გასაწევრიანებლად. ნატოს საინფორმაციო კუთხის გახსნა საქართველოს სხვა ქალაქებშიც არის დაგეგმილი.
