საქართველოს პრეზიდენტი მიხეილ სააკაშვილი ველისციხეში სოფლის მეურნეობის მინისტრს, კახეთის გუბერნატორს და რაიონების გამგებლებს შეხვდა და რთველის მიმდინარეობასთან დაკავშირებით ინფორმაცია მოისმინა.
პრეზიდენტის თქმით, მთავრობისთვის კახეთში რთველი არ არის ჩვეულებრივი მოვლენა და ის ფუნდამენტური პოლიტიკური საკითხია.
"ყურძენი ეს არის ბევრად უფრო მეტი ვიდრე ვენახი და ღვინო. ეს არის ჩვენი იდენტურობის საკითხი, ჩვენი კულტურის ნამდვილი პასპორტი. ეს არის ჩვენი სიამაყე, ეს არის ის, რაზეც დამყარებული ჩვენი მეობა, ჩვენი არსებობა. ჩვენ ბევრი უნდა ვიმუშაოთ, რომ ჩვენი ღვინის პოპულარიზაცია მოხდეს", - განაცხადა მიხეილ სააკაშვილმა.
მისივე თქმით, ბევრი უცხოური გამოცდილების გაზიარებაა საჭირო.
"ჩვენ გვაქვს ყურძნის 400 ჯიში, რაც არ აქვს ბევრ სახელმწიფოს. ჩვენ გვჭირდება ახალი ტექნოლოგიები და რამდენიმე კვირის უკან ჩვენ შეხვედრა გვქონდა ევროპაში მეღვინებთან", - განაცხადა პრეზიდენტმა.
