"დემეტრაძის ურთულეს მდგომარეობასთან დაკავშირებით ქართული პრესისა და სააგენტოების მიერ ძალიან შემაშფოთებელი ინფორმაცია ვრცელდება. ეს ფაქტი შემაშფოთებელი და შემაძრწუნებელია. როდესაც არის ასეთი უმძიმესი ვითარება და ვრცელდება ინფორმაცია ძალიან ცნობილი ფეხბურთელის, ამჟამად პატიმარ გიორგი დემეტრაძის მოსალოდნელ ვითარებასთან დაკავშირებით და ეს პირდაპირ უკავშირდება მისი ყოფნა არ ყოფნის საკითხს, რა თქმა უნდა, გულგრილად ვერ დატოვებს ვერც ფეხბურთის გულშემატკივრებს, ვერც ახალგაზრდებს, ვერც ძველგაზრდებს და მითუმეტეს ვერც პოლიტიკურ ლიდერებს, რომლებისთვისაც სულერთი არ არის ადამიანის სიცოცხლე", - განაცხადა "ჯი-ეიჩ-ენთან" საუბრისას კირთაძემ.

მისი თქმით, ეს ამბავი საგულისხმოა მითუმეტეს იმ ფონზე, როდესაც პრაქტიკულად ყველა მონიტორინგის ჯგუფმა, რომელიც საქართველოში პატიმრების მდგომარეობას სწავლობს, შემაშფოთებელ ინფორმაციებს ავრცელებენ.

"მაგალითად, გასული წელს აღინიშნა, რომ 180 პატიმარი არის გარდაცვლილი პენიტენციალურ სისტემაში, სხვადასხვა სატუსაღოებსა და ციხეებში. წლევანდელი მონაცემით 40 პატიმარს გარდაცვალების ფაქტზე არის საუბარი", - აღნიშნა კირთაძემ.

კირთაძის განცხადებით, მან დემეტრაძის მდგომარეობასთან დაკავშირებით დღეს ელჩებთან და საერთაშორისო ორგანიზაციებთან შეხვედრისასაც ისაუბრა.

მისი თქმით, ეს არის პრევენცია, რომელიც ამ ფაქტთან დაკავშირებით აუცილებლად უნდა განხორციელდეს.

ცნობილ ქართველ ფეხბურთელს გიორგი დემეტრაძეს, რომელიც სასჯელს რუსთავის ერთ-ერთ სასჯელაღსრულების დაწესებულებაში იხდის, პირადი მომხარების ბარათი დაუბლოკეს. ამის შესახებ გაზეთი „ალია" წერს.
„ბარათი, რომელზეც დემეს თანხა ერიცხებოდა და თავისთვის რაღაცეებს ყიდულობდა, დაუბლოკეს... ანუ მშიერია კაცი. სამადლოდ ვინმე რამეს თუ მისცემს. მოკლედ აწამებენ რა, ტიპს! არადა, გელა, უფლება არ აქვთ, რომ ეს ბარათი დაუბლოკონ, 20 კილოა ბიჭი დარჩენილი, ვიღაცეების სამადლოდააა მიგდებული ", - წერს ჟურნალისტი გელა ზედალაშვილი ანონიმი თანამოსაუბრის ნაამბობს.
საგაზეთო მასალაში ასევე აღნიშნულია, რომ გლადანის ციხიდან რუსთავში გადაყვანილ დემეტრაძეს, საკანში ნარზე „ბრიტვა" დახვდა. წერილის ავტორის თანამოსაუბრე აცხადებს, რომ დემეტრაძეს თვითმკველობას აიძულებენ.