ქობულეთში მშენებარე ობიექტების სახელმწიფო ზედამხედველობის მონიტორინგი განხორციელდა. აჭარის ფინანსთა და ეკონომიკის სამინისტროს ინფორმაციით, მონიტორინგის შედეგად დარღვევები არ დაფიქსირებულა. სამინისტროში განმარტავენ, რომ ქალაქმშენებლობის დეპარტამენტის ზედამხედველობისა და მონიტორინგის განყოფილება სამინისტროს მიერ გაცემული ნებართვების საფუძველზე მშენებარე ობიექტების სახელმწიფო ზედამხედველობის განხორციების მიზნით ქობულეთში რამდენიმე ობიექტი შემოწმდა. მათ შორის: ქობულეთში, ფიჭვნარის თავისუფალ ტურისტულ ზონაში შ.პ.ს. "აიეტის" მიერ მშენებარე ექვს სართულიანი სასტუმროს მშენებლობა, ასევე ქობულეთში, ფიჭვნარის თავისუფალ ტურისტულ ზონაში შ.პ.ს. "ESCo-Georgia"-ს მიერ მშენებარე სასტუმრო-გასართობი კომპლექსის მშენებლობა. სამინისტროს მიერ შემოწმდა ასევე "სინოჰიდრო"-ს მიერ ქობულეთის შემოვლითი გზის კმ. 0+00-კმ. 12+400 მონაკვეთის მშენებლობა და დაბა ჩაქვში, აჭარის ავტონომიური რესპუბლიკის განათლების, კულტურისა და სპორტის სამინისტროს მიერ №1 საჯარო სკოლის მშენებლობა (რეკონსტრუქცია).