როგორც სააგენტო "ჯი-ეიჩ-ენთან" საუბრისას აჭარის ტურიზმის დეპარტამენტის თავმჯდომარემ, ვაჟა დიასამიძემ განაცხადა, ჯანი კუარანტა საჩუქრად მიიღებს 2012 წლისთვის 10-დღიან საგზურს სასტუმერო "რედისონ ბლუ ბათუმში" და სხვადასხვა სახის უფასო ექსკურსიებს. კურანტა, ბათუმში კიდევ რამდენიმე დღეს დარჩება და მათალმთიანი აჭარის გარდა ბათუმის ღისშესანიშნაოებებსაც დაათვალიერებს. ეწვევა ბათუმის დელფინარიუმს და სპონსორებისგან ფასიან საჩუქრებს მიიღებს.

შეგახსენებთ, რომ 2011 წლის იანვარ-აგვისტოში სულ აჭარაში 1 მლნ. 438 ვიზიტორი ჩავიდა, რაც წინა წლის იანვარ-აგვისტოსთან შედარებით 35,5%-ით მეტია, ხოლო 2009-თან შედარებით - 150%-ით მეტი. 2010 წლის იანვარ-აგვისტოში სულ აჭარაში 738 ათას 369 ვიზიტორი ჩავიდა, 2009 წლის იანვარ-აგვისტოში კი 400 ათას 200 ვიზიტორი.

აჭარის ტურიზმის დეპარტამენტის ინფორმაციით, 2011 წლის იანვარ-აგვისტოში აჭარაში ჩამოსულ უცხოელ ვიზიტორთა რაოდენობა იყო 348314, რაც 2010 წლის დროის იმავე პერიოდთან შედარებით 43,8%-ით მეტია. 2010 წლის აგვისტოში აჭარას 242174 უცხოელი ვიზიტორი სტუმრობდა, ხოლო 2009 წელს - 125167.