სასჯელაღსრულების, პრობაციისა და იურიდიული დახმარების საკითხთა მინისტრმა ხათუნა კალმახელიძემ პენიტენციური სისტემის მთავარი ექიმების ანგარიში მოისმინა.
შეხვედრაზე განხილულ იქნა პენიტენციურ სისტემაში მიმდინარე სამედიცინო რეფორმების შედეგები და რეფორმების მსვლელობისას გამოვლენილი საჭიროებები, რათა უწყებაში ჯანდაცვის სრულყოფილი სერვისი არსებობდეს.
ანალოგიური შეხვედრები სისტემატური ხასიათისაა და მიზნად ისახავს პირისპირ ურთიერთობას მედპერსონალთან, რათა განხილულ იქნას კონკრეტული საკითხები სამედიცინო რეფორმის ეფექტურად განხორციელების მიზნით.
მინისტრის თქმით, პენიტენციური სისტემის ჯანდაცვის სერვისის სრულყოფა სწორედ ასეთი ინტენსიური და მიზანმიმართული მუშაობით არის შესაძლებელი.
პენიტენციური სისტემის მთავარ ექიმებთან მომდევნო შეხვედრა შემოდგომისთვის დაიგეგმა.
მასალის გამოყენების პირობები
