უკანასკნელი ინფორმაციით, ინგლისში მასიური არეულობის მოწყობის ბრალდებით მხოლოდ ლონდონში 1875 ადამიანია დაკავებული, აქედან 1073 პირს მოროდიორობასა და ცეცხლის წაკიდების ორგანიზებისთვის აქვთ ბრალი წაყენებული.

აღსანიშნავია, რომ დიდ ბრიტანეთში რამდენიმე დღიანი არეულობის შემდეგ პოლიციის მიერ ძარცვის 1101, ავტომობილების დაზიანების 399, მოპარვის 310 და დაწვის 162 ფაქტი გამოვლინდა.

დედაქალაქის პოლიციის ინფორმაციით, 22 მუნიციპალურ ქალაქში 1100 დანაშუალის ფაქტია გამოვლენილი.

ამასთან, პოლიცია სხვადასხვა ვიდეოთვალის მიერ გადაღებულ 20 ათას საათიან ვიდეოჩანაწერს კიდევ შიფრავს.

აღსანიშნავია, რომ ბრიტანეთში მომხდარი არეულობისთვის 396 არასრულწლოვანი დააკავეს, აქედან 218-ს ბრალდება უკვე წაუყენეს.
შეგახსნებთ, რომ აგვისტოს დასაწყისში ლონდონში ახალგაზრდის მკვლელობის გამო გამოწვეული არეულობის დროს ხუთი ადამიანი დაიღუპა. რამდენიმე ქალაქში მოროდიორებმა მაღაზიები, კაფეები, ბანკები გაძარცვეს, დაწვეს შენობები და ავტომანქანები.