ლიბიის დედაქალაქ ტრიპოლში აჯანყებულებსა და მუამარ კადაფის მომხრე შეიარაღებულ ძალებს შორის შეტაკებები გრძელდება.
აღნიშნულს როგორც ადგილობრივი მოსახლეობა ადასტურებს, ასევე ხელისუფლება იძულებული გახდა ეღიარებინა, რომ "აჯანყებულების ჯგუფებმა ტრიპოლში შეღწევა შესძლეს და ომი დაიწყეს".
ამასთან, ლიბიის ხელისუფლება ამტკიცებს, რომ ტყვედ აყვანილებს შორის არიან ეგვიპტის, ტუნისის და ალჟირის მოქალაქეები.
როგორც ცნობილია, ლიბიის ოპოზიცია მიმდინარე კვირის დასაწყისში აცხადებდა, რომ მას დედაქალაქამდე 24 კილომეტრიღა დარჩა და მისი აღება მხოლოდ დროის საკითხი იყო. კადაფის რეჟიმის პრესსამსახურმა დადასტურა "ოპოზიციის დროებითი წარმატებები", თუმცა აქვე დასძინა, რომ მეამბოხეები ტრიპოლში მალე შემცირდებიან.