აფხაზეთის დე-ფაქტო პრეზიდენტობის კანდიდატი ავარიაში მოჰყვა. ამის შესახებ ინფორმაციას "იტარ-ტასი" ავრცელებს. არსებული ინფორმაციით, შემთხვევა გაგრის რაიონში, სოფელ ბზიფთან მოხდა. შამბას კორტეჟი ამომრჩევლებთან შესახვედრად მიემართებოდა. შამბამ სხვადასხვა სახის დაზიანება მიიღო, თუმცა მის სიცოცხლეს საფრთხე არ ემუქრება. მათ პირველად დახმარება გაგრის საავადმყოფოში აღმოუჩინეს. ავარიის მიზეზი ამ დროისთვის უცნობია.
აღსანიშნავია ისიც, რომ მას დღეს აფხაზეთის ტელევიზიაში ტელედებატებში უნდა მიეღო მონაწილეობა.
აფხაზეთის ე.წ. საპრეზიდენტო არჩევნები 26 აგვისტოს გაიმართება და დე-ფაქტო პრეზიდენტის პოსტისთვის შამბა, ალექსანდრე ანქვაბი და რაულ ხაჯიმბა იბრძვიან.
