ავღანეთის დედაქალაქ ქაბულის ცენტრში, სადაც ცნობილი სასტუმრო "ინტერკონტინენტალი" მდებარეობს, სამი აფეთქება მოხდა.
წინასწარი ინფორმაციით, თავდასხმის უკან თვითმკვლელი ტერორისტები იდგნენ.
აფეთქების შედეგად 8 ადამიანი, მათ შორის 2 პოლიციელი დაიღუპა.
შემთხვევის შედეგად დაინგრა დიდი ბრიტანეთის დიპლომატიური შენობის ნაწილი. მომხდარზე პასუხისმგებლობა მოძრაობა "თალიბანმა" აიღო.
თვითმხილველთა თქმით, დანაღმული ავტომანქანა, რომელიც მაღალი სიჩქარით მოძრაობდა, ბრიტანეთის დიპლომატიური მისიის კომპლექსის კედელს დაეჯახა. ამის შემდეგ კიდევ ერთი აფეთქებაგაეროს წარმომადგენლობის შენობასთან, ხოლო მესამე აფეთქება მოგვიანებით, ისევ დიდი ბრიტანეთის დიპლომატიურ მისიასთან მოხდა.
უნდა აღინიშნოს, რომ დღეს ავღანეთი ბრიტანელი კოლონიზატორებისგან დამოუკიდებლობის 92 წლისთავს აღნიშნავს.
