თავისუფალი დემოკრატები რეგიონებში შეხვედრებს განაგრძობენ. ირაკლი ალასანია ლენტეხის რაიონის მცხოვრებლებს შეხვდა.
"სვანეთის მცხოვრებლების უმეტესობა დაუსაქმებელია. სახელმწიფო და სოფლის მეურნეობის სამინისტრო არ ზრუნავს იმაზე, რომ გლეხს დაეხმაროს, იმ ადამიანებს დაეხმაროს ვინც შრომობს მიწაზე, რომ თავისი მძიმე შრომით ოჯახი არჩინოს. ამის საშუალება დღეს სვანებს არ აქვთ. სვანეთის ეკონომიკა, სოფლის მეურენება ისეთივე დანგრეულია როგორც მთელ საქართველოში. ამიტომაც არის აუცილებელი ცვლილება სოფლის მეურნეობის სამინისტროში. ჩვენ გვჭირდება გლეხების რეალური მხარდაჭერა, რეალური მხარდაჭერა სასუქით, შხამ-ქიმიკატებით, რომ ადამიანებს შემოსავალი ქონდეთ და შიმშილი არ ემუქრებოდეთ", - განაცხადა ირაკლი ალასანიამ ლენტეხში.
