სამოქალაო მოძრაობა "სოლიდარობა უკნონო პატიმრებს" ლიდერი ეკა ბასელია პატიმარ მამუკა ზერეკიძის გარდაცვალებასთან დაკავშირებით მინისტრ ხათუნა კალმახელიძის პასუხისმგებლობის დაყენებას ითხოვს.
"უკვე მერამდენე პატიმარი გარდაიცვალა ისეთ ვითარებაში, რომელიც საფუძვლიან და მრავალ ეჭვს გვიტოვებს გარდაცვლილთა სიცოცხლის ხელყოფაში სასჯელაღსრულების თანამშრომელთა მონაწილეობის თაობაზე. ეს ეჭვები მით უფრო ძლიერდება, როდესაც არც ერთ გარდაცვლილ პატიმართა საქმეზე გამოძიების შედეგები საზოგადოებისთვის არ უცნობებია სასჯელაღსრულების დაწესებულების ხელმძღვანელს და მის მინისტრს", - ნათქვამია განცხადებაში.
ბესელიას შეფასებით, ის, რომ მინისტრი კალმახელიძე საზოგადოების წინაშე დღემდე პასუხისმგებლობას არ გრძნობს იგი მდუმარე ხელშეწყობით დანაშაულებრივი ქმედებების თანამონაწილეა.
"დღეს ციხეები, განსაკუთრებით კი გლდანის მე-8 საპყრობილე წამებისა და არაადამიანური მოპყრობის საცდელ პოლიგონად გადაიქცა შინაგან საქმეთა სამინისტროსა და მთავარი პროკურატურისთვის. ამას კი ხელს უწყობს მინისტრი კალმახელიძე. კიდევ ერთხელ ვაყენებთ მინისტრის კალმახელიძის პასუხისმგებლობის საკითხს იმ დანაშაულებრივი ქმედბების გამო, რასაც ადგილი აქვს სასჯელაღსრულების დაწესებულებაში", - ნათქვამია ბესელიას განცხადებაში.
ამასთან, უფლებადამცველები მოითხოვენ უსწრაფესად ჩატარდეს ობიქტური და მიუკერძოებელი გამოძიება და დაისაჯოს დამნაშავე პირები ვისი მიზეზითაც გარდაიცვალა პატიმარი მამუკა ზერეკიძე.
"ასევე მოვითხოვთ საზოგადოებას სხვა გარდაცვლილი პატიმრების საქმეზე გამოძიებამ რა და ვისი ბრალეულობა დაადგინა? ასეთი კი მარტო 2010 წლიდან დღემდე 150 ზე მეტია. მივმართავთ საერთაშორისო ორგანიზაციებს, უმძიმესი და მოუთმენელი ვითარებაა საქართველოს ციხეებში და საჭიროა სწრაფი და შედეგზე ორინეტირებული ქმედება. ადექვატური და შეუვალი რეაგირება", - აღნიშნაულია განცხადებაში.
