ქობულეთში „სოფლის მხარდაჭერის პროგრამის" 93% შესრულებულია. აჭარის მთავრობის ინფორმაციით, ქობულეთის მუნიციპალიტეტში "სოფლის მხარდაჭერის პროგრამის" ფარგლებში მიმდინარე სამუშაოები დასასრულს უახლოვდება.
წყლის რეზერვუარი, მინი სტადიონი, მოსაცდელები, კლუბები - ეს იმ ობიექტთა მცირე ჩამონათვალია, რომელთა რეაბილიტაცია და მშენებლობა მოსახლეობის გადაწყვეტილებით ქობულეთის 45-ვე სოფელში მიმდინარეობს.
2011 წელს ქობულეთში პროგრამისთვის მილიონ 77 ათასი ლარი გამოიყო. „სოფლის მხარდაჭერის პროგრამა" უკვე მესამე წელია ხორციელდება.
