საქართველოს ხელისუფლება არ იღწვის მოსკოვთან ურთიერთობების ნორმალიზება მოახდინოს და ქართულ საზოგადოებაში დაჟინებით ამკვიდრებენ მტერს რუსეთის სახით. ეს განცხადება რუსეთის საგარეო საქმეთა მინისტრის მოადგილემ გრიგორი კარასინმა "იტარ-ტასისათვის" მიცემულ ინტერვიუში გააკეთა.
"ჩვენი ურთიერთობები საქართველოს აგრესიის შემდეგ კვლავინდებურად ურთულეს გამოცდებს გადის - თბილისში კი ანტირუსული ისტერია იზრდება", _ აცხადებს კარასინი.
სერგეი ლავროვის მოადგილის თქმით, საქართველოს ხელისუფლება ქართულ საზოგადოებაში რუსეთის სახით მტერს ქმნის - "არის უხეში მცდელობები ამოძირკვონ ყველაფერი რაც საუკუნეების განმავლობაში აერთიანებდა რუსებსა და ქართველებს და ეს ურტყამს ასობით ათას მოქალაქეს ჩვენი ქვეყნებისას "ცოცხალზე", წყვიტავს სულიერ, სულტურულ და უბრალოდ ოჯახურ და ნათესაურ ურთიერთობებს", _ აცხადებს კარასინი.
"თბილისის ხელისუფლება დაჟინებით არწმუნებს საერთაშორისო საზოგადოებას და საკუთარ მოსახლეობას იმაში, რომ საქართველო დატბორილა რუსი ჯაშუშებითა და დივერსანტებით, რომელთანაც ადგილობრივი სპეცსამსახურები დაუღალავად იბრძვიან. ყალბი ჯაშუშური სკანდალები კი უნიათოდ გამოიყურება, რომ მრავალს უკვე სკეპტიკურად განაწყობს. ქართველი ფოტორეპორტიორების დადანაშაულება ჯაშუშობაში, მათ შორის, პირადად მიხეილ სააკაშვილის ფოტოგრაფის, ვაღიარებ, უხერხულიც კია საკომენტაროდ", _ აცხადებს სერგეი ლავროვის მოადგილე და აღნიშნავს, რომ ყოველივე ამას საქართველოს ხელისუფლება იმიტომ აკეთებს, რომ ქვეყანაში დაგროვილი პრობლემებიდან მოსახლეობის ყურადღება სხვა რამეზე გადაიტანოს.
"ცხადია, რომ თბილისის ხელისუფლება ყოველივე ამას ქვეყანაში დაგროვილი პრობლემებიდან ყურადღების გადასატანად აკეთებს და მტერს გარეთ ეძებს. სიტყვიერი იმიტაცია იმისა, რომ არის მზადყოფნა მოსკოვთან ურთიერთობის ნორმალიზებისათვის ბევრს როდი ატყუებს - არავითარი რეალური სწრაფვა ამისაკენ არ არსებობს. ეს მიხეილ სააკაშვილის სტრატეგიულ ხაზს ეწინააღმდეგება", _ აცხადებს გრიგორი კარასინი.
ამასთან ერთად, რუსეთის საგარეო საქმეთა მინისტრის მოადგილე აღნიშნავს, რომ ყოველივე ზემოთქმულის გათვალისწინებით "გააკეთო რაიმე სახის პროგნოზი ურთიერთობის დარეგულირებასთან ვადებთან დაკავშირებით შეუძლებელია".
