იანვარ-ივნისში, საქართველოდან ევროკავშირის ქვეყნებიდან ყველაზე დიდი რაოდენობით ექსპორტი ბულგარეთში განხორციელდა. "საქსტატის" ინფორმაციით, იანვარ-ივნისში საქართველოდან ბულგარეთში 38 მლნ. 700 ათას 500 დოლარის პროდუქცია გადაიზიდა. თავად ბულგარეთიდან კი 7 თვეში საქართველოში შემოტანილია 92 მლნ. 25 ათას 700 დოლარის პროდუქცია.
იანვარ-ივნისში საქართველოდან სოლიდური რაოდენობის პროდუქციაა ასევე გატანილი, იტალიაში, ესპანეთში, გერმანიაში, ბელგიაში.
სტატისტიკური მონაცემების თანახმად, ევროკავშირის ქვეყნებიდან ყველაზე დიდი რაოდენობით პროდუქცია შემოტანილია გერმანიიდან. "საქსტატის" ინფორმაციით, იანვარ-ივნისში გერმანიიდან შემოტანილია 199 მლნ. 906 ათასი დოლარის პროდუქცია. მაშინ როდესაც საქართველოდან გერმანიაში 11 მლნ. 858 ათას 900 დოლარის ექსპორტია განხორციელებული.
საანგარიშო პერიოდში ევროკავშირის ქვეყნებიდან ყველაზე დიდი მოცულობით იმპორტი განახორციელა რუმინეთმა, ნიდერლანდებმა, ესანეთმა, ბულგარეთმა და სხვა.
"საქსტატის" ინფორმაციით, იანვარ-ივნისში საქართველომ ივაჭრა ევროკავშირის ქვეყნებთან: ავსტრია, ბელგია, ბულგარეთი, გაერთიანებული სამეფო, გერმანია, დანია, ესპანეთი, ესტონეთი, ირლანდია, იტალია, კვიპროსი,
ლატვია, ლიტვა, ლუქსემბურგი, მალტა, ნიდერლანდები, პოლონეთი, პორტუგალია, რუმინეთი, საბერძნეთი, საფრანგეთი, სლოვაკეთი, სლოვენია,
უნგრეთი, ფინეთი, შვედეთი და ჩეხეთი.
2011 წლის იანვარ-ივნისში საქართველოს საგარეო სავაჭრო ბრუნვამ ევროკავშირის ქვეყნებთან 1031 მლნ. აშშ დოლარი შეადგინა, რაც წინა წლის შესაბამის მაჩვენებელზე 31 პროცენტით მეტია; აქედან ექსპორტი 172 მლნ. აშშ დოლარი იყო (26 პროცენტით მეტი), ხოლო იმპორტი - 859 მლნ. აშშ
დოლარი (32 პროცენტით მეტი). საქართველოს საგარეო სავაჭრო ბრუნვაში ამ ქვეყნების წილმა 25 პროცენტი შეადგინა, მათ შორის ექსპორტში 17 პროცენტი და იმპორტში 28 პროცენტი. (2010 წლის იანვარ-ივნისში - შესაბამისად 26, 19 და 29 პროცენტი). ევროკავშირის ქვეყნებზე მოდიოდა სავაჭრო დეფიციტის 34 პროცენტი (2010 წლის იანვარ-ივნისში - 33 პროცენტი)