თბილისის ანძის მართვის უფლების გადაცემაზე ეკონომიკისა და მდგრადი განვითარების მინისტრმა ვერა ქობალიამ პირველი კომენტარი გააკეთა. მინისტრმა აღნიშნა, რომ ანძა არ იყიდება და ის უბრალოდ მართვის უფლებით გადაეცემა იმ კომპანიას, რომელსაც საუკეთესო პირობები ექნება და 12 მილიონი ლარის ინვესტიციასთან ერთად, ანძას ახალი ტექნოლოგიებით აღჭურვავს.
"ანძა არ იყიდება, არამედ 4 წლით მმართველობაში გადაეცემა. ეს პორცესი არის გამჭვირვალე და ტრანსპარანტული. აუქციონის მეშვეობით ხდება მისი მართვის უფლებით გადაცემა და მასში მონაწილეობის მიღება ყველას შეუძლია. ინვესტიციის მოცულობა რომელიც საჭიროa ამისათვის, არის 12 მილიონი ლარი და ნებისმიერი კომპანია, რომელიც სერვისს გააუმჯობესებს და ახალ ტექნიკას შემოიტანს ანძა 4 წლით მართვაში გადაეცემა", - განაცხადა ვერა ქობალიამ.
შეგახსენებთ, რომ თბილისის ანძის მართვის უფლებით გადაცემა ელექტრონულად ხდება და აუქციონი 1 აგვისტოსთვისაა დაგეგმილი.
