გაზეთ "რეზონანსის" მთავარი რედაქტორის, ლაშა ტუღუშის შეფასებით, ფოტორეპორტიორების საქმემ დაადასტურა, რომ საქართველოში თავისუფალი სიტყვისთვის მებრძოლი მედია არსებობს.
"ძალიან მნიშვნელოვანი იყო პროტესტი, რომელიც ფოტორეპორტიორების დაკავებას მოჰყვა. ყველა, ვინც ამ საქმესთან დაკავშირებით გამართულ აქციებზე მიდიოდა, იბრძოდა თავიანთი საარსებო სივცრისთვის, თავისუფლებისთვის, სიტყვის თავისუფლებისთვის. ამ ექსცესმა გვაჩვენა, რომ საქართველოში არსებობს მედია, რომელიც მზადაა იბრძოლოს მედიის არსებობისთვის აუცილებელი პრინციპებისთვის. ეს იყო დაცვა სიტყვის თავისუფლების, კოლეგების დაცვა, რამაც შეიძლება ვთქვათ, რომ გადაწყვეტილების მიღებაზე მნიშვნელოვანი გავლენა იქონია", - განუცხადა ტუღუშმა "ჯი-ეიჩ-ენს".
ზოგადად ფოტორეპორტიორების დაკავებას კი ტუღუში "ძალიან ცუდ პრეცენდენტად" აფასებს და იმედს გამოთქვამს, რომ მსგავსი რამ აღარ მოხდება.
