თბილისის საქალაქო სასამართლომ შესაძლოა 16 აფთიაქი დააჯარიმოს. მიზეზი ვადაგასული, აკრძალული წამლები და მედიკამენტების უკანონო რეალიზაციაა.
სასამართლო აღნიშნული საკითხით რეგულირების სააგენტოს მიერ აფთიაქების შემოწმების შედეგად დაინტერესდა.
უკვე ცნობილია ახალი დასკვნის შედეგი.. რეგულირების სააგენტომ ბოლო ერთ თვეში 17 ფარმაცევტული დაწესებულება შეამოწმა, 17 აფთიაქიდან 16-ში სხვადასხვა სახის დარღვევა გამოვლინდა.
მოკვლევამ დაადგინა, რომ დაწესებულებები სპეცკონტროლს დაქვემდებარებულ მედიკამენტებს რეცეპტის გარეშე ყიდდნენ.
რამდენიმე აფთიაქში კი ვადაგასული წამლები იყო. რეგულირების სააგენტო საგანგებო რეჟიმში მუშაობას განაგრძობს. უწყება მომავალი კვირიდან რეიდებს რეგიონებში იწყებს.
