"WikiLeaks"-ზე გამოქვეყნებული მასალებიდან ირკვევა, რომ უკრაინის ნატოში გაწევრიანება გერმანიის წინააღმდეგობის გამო მოხდა. ეს უკანასკნელი კი წინააღმდეგ იმიტომ წავიდა, რომ რუსეთთან ურთიერთობების გაფუჭების შეეშინდა.
"Kyiv Post" -ი წერს, რომ 2008 წელს უკრაინა ძალიან ახლოს იყო ნატოს წევრობის სამოქმედო გეგმის მიღებასთან . როდესაც ქვეყანამ განაცხადი გააკეთა მან მალევე მიიღო აშშ-ს მხარდაჭერა ამასთან დაკავშირებით.
"ამ განაცხადის განხილვა ბუქარესტში გამართულ ნატოს აპრილის სამიტზე იგეგმებოდა. თუმცა ამის საწინააღმდეგოდ მაშინ საფრანგეთი და გერმანია გამოვიდნენ და ამის მიზეზად დაასახელეს ის, რომ შიშობენ რუსეთის ნეგატიური რეაქციის გამო ყოველივე ამაზე", _ ნათქვამია "WikiLeaks"-ის მიერ გამოქვეყნებულ დეპეშაში, რომელიც აშშ-ს მთავრობას ნატოში მყოფი "საიდუმლო წყაროსაგან" გაეგზავნა.
დეპეშაში ნათქვამია, რომ გერმანიის უმაღლესი ხელისუფლება ნატოში აშშ-ს ელჩთან კურტ ვოლკერთან შეხვედრისას 10-11 ნოემბერს აცხადებდა, რომ გერმანია წინააღმდეგია უკრაინისა და საქართველოსათვის მაპის მინიჭებისა.
ამასთან ერთად დეპეშაში ასევე აღნიშნულია, რომ "ცალკე გამართული შეხვედრის დროს, რომელსაც ყველა ძირითადი პოლიტიკური პარტიის წარმომადგენელი ესწრებოდა არავინ დაუჭირა მხარი უკრაინისა და საქართველოსთვის სამოქმედო გეგმის მინიჭებას".
