მთვარალაშვილი განმარტავს, რომ უკანასკნელი დღეების განმავლობაში ნავთობის ფასი ძირითადად მატულობს, რაც განპირობებულია სხვადასხვა მიზეზით. მათ შორის ძირითადია ბრიუსელში შემდგარი ევრო სამიტის გადაწყვეტილება საბერძნეთისათვის (მის ვალთან დაკავშირებით) 159 მლრდ ევროს გამოყოფასთან დაკავშირებით. ეს, თავის მხრივ, ინვესტორებს აძლევს ოპტიმიზმის საფუძველს, რომ ეკონომიკური კრიზისი ევრო ზონაში არ გაღრმავდება და თავისთავად, ნავთობზე მოთხოვნილების შემცირება არ მოხდება. ასევე მნიშვნელოვანია აშშ-ში ნავთობის სტრატეგიული მარაგების საკითხი. კერძოდ, გასული კვირის განმავლობაში აშშ-ში ნედლი ნავთობის მარაგები შემცირდა 3.7 მლნ ბარელით, რაც თავის მხრივ ფასების მატებას უწყობს ხელს.

მთვრალაშვილის განმარტებით, მიმდინარე თვის განმავლობაში ნავთობის ფასი მსოფლიოს წამყვან ბირჟებზე გაზრდილია: ლონდონში InterContinental Exchange Futures Europe-ზე (IСE Futures Europe) - Brent ტიპის ნავთობის ფასი 111.77 დოლარიდან 117.51 დოლარამდე/ბარელზე, ხოლო ნიუ-იორკში New York Mercantile Exchange-ზე (NYMEX) - Light Sweet ტიპის ნავთობის ფასი - 94.94 დოლარიდან 99.13 დოლარამდე/ ბარელზე.

გაზრდილია ასევე საერთაშორისო ფასები ნავთობპროდუქტებზე «PLATT"S»-ის მიხედვით. კერძოდ, ბენზინის (რეგულარი) ფასი ივლისის თვის დასაწყისიდან მომატებულია 1004 დოლარიდან 1079 დოლარამდე/ტონაზე, ხოლო დიზელის საწვავის ფასი - 907 დოლარიდან 981 დოლარამდე/ტონაზე.

დღეისათვის ქვეყნის საცალო ქსელში საწვავის საშუალო ფასი შეადგენს: სუპერი ტიპის ბენზინი - 2.30 - 2.35 ლარი/ლიტრაზე; პრემიუმი ტიპის ბენზინი - 2.18 - 2.25 ლარი/ლიტრაზე; ევრო რეგულარი ტიპის ბენზინი - 2.10 - 2.12 ლარი/ლიტრაზე; რეგულარი ტიპის ბენზინი - 2.10 ლარი/ლიტრაზე; ევრო დიზელი - 2.30 - 2.35 ლარი/ლიტრაზე; დიზელი (ლ-62) - 2.15 - 2.20 ლარი/ლიტრაზე.