აჭარა რეკორდის დასამყარებლად ემზადება. 28 ივლისს ბათუმში გიგანტურ აჭარულ ხაჭაპურს გამოაცხობენ. ამ დღეს აჭარა რეკორდის გაუმჯობესებას შეეცდება და ზღვისპირა ქალაქში 8-მეტრიანი აჭარული ხაჭაპური გამოცხვება.
გიგანტური აჭარული ხაჭაპური, ბათუმში ხარისხის ნიშნის კვირეულის ფარგლებში დამზადდება, რომელიც 25-29 ივლისს გაიმართება.
როგორც საგენტო "ჯი-ეიჩ-ენს" "ხარისხის ნიშანში" განუცხადეს, გიგანტური აჭარული ხაჭაპური საცხობ "ოქროს გასაღებში" გამოცხვება.
მცხობელები გინატური ხაჭაპურისთვის 200 კგ ფქვილს, 30 კგ, ნაღების ქარაქს, 350 ცალ კვერცხსა და 100 კგ. ყველს გამოიყენებენ.
სად განთავსდება გიგანტური აჭარული ხაჭაპური ამ დროისათვის უცნობია. ხარისხის ნიშნის კვირეულის ორგანიზატორები, რეკორდის დასამყარებლად ბათუმში ადგილს არჩევენ.
შეგახსენებთ, რომ გასულ წელს აჭარაში 6-მეტრიანი აჭარული ხაჭაპური უკვე გამოაცხვეს, რისთვისაც 70 კგ ყველი, 100 კგ ფქვილი, 20 კგ. კარაქი, 150 ცალი კვერცხი დაიხარჯა.
