"ეს არის ხელისუფლების მარცხვის აღიარება. ის დამარცხა ფოტოკორესპონდენტების საქმეში. მან ვერ გაუძლო სამართლებრივი არგუმენტების ოპონირებას ჩვენთან. ხელისუფლებამ ეს მარცხი აღიარა სამი გარემოებით: 1. მან აიძულა გიორგი აბდალაძე განცხადება დაეწერა ადვოკატების აცილების თაობაზე, რადგან ჩვენ გამოძიებას ვუწევდით რეალურ წინააღმდეგობას და ჩვენი საქმიდან ჩამოცილება მოხდა მხოლოდ აკრძალული მეთოდით. 2. ხელისუფლებამ ვერ დაარწმუნა საზოგადოება, რომ გააჩნდა ჯაშუშობის დამამტკიცებელი მტკიცებულებები 3. ხელისუფლება იძულებული გახდა გაეთავისუფლებინა დაკავებული ფოტორეპორტიორები თუნდაც პირობით. ეს არის ხელისუფლების მარცხი. ჩვენ ვამხილეთ ამ ხელისუფლების რეალური სახე", - განუცხადა "ჯი-ეიჩ-ენს" ბესელიამ.

შეგახსენებთ, რომ მთავარ პროკურატურასა და დაკავებულ ფოტორეპორტიორებს შორის დღეს საპროცესო შეთანხმება გაფორმდა. აღნიშნულის საფუძველზე პროკურატურამ თბილისის საქალაქო სასამართლოს დაკავებულთა პირობითი სასჯელით გათავისუფლების შუამდგომლობითაც მიმართა.