დღემდე არსებული ნორმის თანახმად, სათამაშო სალონის მოწყობის სანებართვო მოსაკრებლის წლიური განაკვეთი თვითმმართველი ქალაქებში - თბილისის, რუსთავის, ქუთაისის, ფოთის, ბათუმის ტერიტორიაზე 20 000 ლარს შეადგენდა, ხოლო სხვა ტერიტორიაზე - 12 000 ლარს.

პარლამენტის 24 ივნისს მიღებული გადაწყვეტილებით, კი სათამაშო აპარატების სალონის მოწყობა წელიწადში 50 000 ლარიდან 1 000 000 ლარის ჩათვლით განისაზღვრა.

ახალი ნორმის მიხედვით კი, სათამაშო აპარატების სალონის მოწყობის სანებართვო მოსაკრებლის წლიური განაკვეთები შემდეგნაირად განისაზღვრა: თბილისში სამორინეს მოწყობის ნებართვის მფლობელი პირის მიერ სამორინეში სათამაშო აპარატების სალონის მოწყობისათვის - 100 000 ლარი; თბილისის ტერიტორიაზე - 1 000 000 ლარი; ბათუმში, ქუთაისში, რუსთავში - 200 000 ლარი; 100 000 ლარი განისაზღვრა - ფოთის ტერიტორიაზე, თელავის, გორის, მარნეულის, ზუგდიდის, ოზურგეთის, ახალციხის, ხაშურის, ქობულეთის, ხელვაჩაურის და სენაკის მუნიციპალიტეტების ტერიტორიებზე, ხოლო სხვა მუნიციპალიტეტების ტერიტორიებზე - 50 000 ლარი.