საქართველოს მთავრობა ხორბლისა და სიმინდის პროგრამებს დადებითად აფასებს. როგორც დღეს მთავრობის სხდომაზე პრემიერ-მინისტრმა ნიკა გილაურმა განაცხადა, ორივე პროგრამა წარმატებულია და მის შედეგებს ქვეყანა მომავალ თვეში კიდევ უფრო შეიგრძნობს.
სოფლის მეურნეობის მინისტრი ბაკურ კვეზერელი კი აცხადებს, რომ ამერიკული ხორბლის აღება მთელი ქვეყნის მასშტაბით რამდენიმე დღეში დასრულდება. მინისტრის თქმით კახეთის რეიგონში აღებულია ხორბლის 85 პროცენტი, ხოლო რაც შეეხება შიდა ქართლსა და იმერეთის რეგიონებს აქ ხორბლის აღება ცოტა ხნის უკან დაიწყო და პროცესი უახლოეს დღეებში დასრულდება.
"კახეთის რეიგონში ფაქტობრივად დასრულებულია მოსავლის აღება. განსაკუთრებით კარგი მოსავალია ამერიკულ ხორლბალზე. საშუალო მოსავლიანობა 1 ჰექტარზე არის 3 ტონა, რაც წინა წლებში სასურველი და საოცნებოც კი იყო. ეს მაჩვენებელი საუკეთესოა ბოლო 10 წლის განმავლობაში, რადგან ყველაზე კარგი მოსავლოანობის პერიოდში 1 ჰექტარზე 1,8 ტონა მოდიოდა, დღეს კი ეს მაჩვენებელი უკვე 3 ტონამდეა ასული. კახეთის რეიგონში ნათესების 95 პროცენტი უკვეაებულია, ხოლო რაც შეეხება შიდა ქართლს და იმერეთს აქ ხორბლის აღება უახლოეს დღეებში დასრულდება", - განაცხადა სოფლის მეურნეობის მინისტრმა.
კვეზერელის განცხადებით, ქვეყნის მასშტაბით 32 ათასი ტონა სათესლე ხორბალია საჭირო, რომელიც სამომავლოდ 125 ჰექტარ მიწის ნაკვეთზე დაითესება.
რაც შეეხება სიმინდის პროგრამას, სამინისტრომ ყანებზე მონიტორინგისა და დაკვირვების პროცესი უკვე დაასრულა და როგორც მინისტრი აცხადებს, "აქ დამაკმაყოფილებელზე უკეთესი მდგომარეობა გვაქვს".
ბაკურ კვეზერელის თქმით, 1 ჰოექტარზე მოსალოდნელია 6 ტონა სიმინდის მიღება. მისივე განცხადებით, 2011 წლის ბოლომდე ქვეყანა მოახერხებს იმას, რომ სიმინდის ექსპორტი დაიწყოს. მეზობელ ქვეყნებში დახლოებით 100 ათასი ტონა სიმინდის ექსპორტია მოსალოდნელი.
