1995 და 1999 წლის გამოშვების ლარის ყველა ნომინალის მიმოქცევის ვადა 2015 წლის ბოლომდე ექნება.
აღნიშნულთან დაკავშირებით "ეროვნული ვალუტის 50 და 100 ლარის ღირებულების 2004 წლის გამოშვების მოდიფიცირებული ბანკნოტების მიმოქცევაში გაშვების შესახებ" საქართველოს ეროვნული ბანკის საბჭოს 2004 წლის 1 ნოემბრის №47 დადგენილებაში დამატება ეროვნული ბანკის საბჭომ შეიტანა.
მიღებული გადაწყვეტილების თანახმად, 1995 და 1999 წლის გამოშვების ლარის ყველა ნომინალის ბანკნოტის მიმოქცევის ვადა, 2015 წლის ბოლომდე გაგრძელდება.
2015 წლის შემდეგ კი მათი გამოცვლა, საქართველოს ეროვნული ბანკის მეშვეობით განხორციელდება. ეროვნული ბანკის საბჭოს გადაწყვეტილება უკვე ძალაშია.
