სავაჭრო-სამრეწველო პალატას ახალი პრეზიდენტი ჰყავს. ყოფილი ფინანსთა მინისტრი კახა ბაინდურაშვილი სავაჭრო-სამრეწველო პალატის პრეზიდენტად დღეს პალატის რიგგარეშე სხდომაზე აირჩიეს.
ბაინდურაშვილმა პალატის პრეზიდენტის თანამდებობაზე ჯემალ ინაიშვილი შეცვალა, რომელიც აღნიშნულ პოსტს 8 წლის განმავლობაში იკავებდა.
არჩევნებს პრემიერ-მინისტრი ნიკა გილაურიც ესწრებოდა, რომელმაც აღნიშნა რომ მთავრობა და ბზინესს შორის მჭიდრო ურთიერთობაა საჭირო, რაშიც გადამწყვეტ როლს სწორედ რომ სავაჭრო-სამრეწველო პალატა შეასრულებს. კახა ბაინდურაშვილი კი აცხადებს, რომ ამ თანამდებობაზე ახალი იდეებითა და გეგმებით მოდის, რაც შეეხება ჯემალ ინაიშვილს ის პალატის გამგეობის წევრად რჩება.
