"კ.ერისთავის სახელობის ექსპერიმენტული და კლინიკური ქირურგიის ეროვნული ცენტრის" მფლობელი ფიზიკური პირი ზაზა ბრეგაძე გახდა. ზაზა ბრეგაძემ "კ.ერისთავის სახელობის ექსპერიმენტული და კლინიკური ქირურგიის ეროვნული ცენტრი" ელექტრონულ აუქციონზე 2,1 მლნ ლარად შეიძინა.
ელექტრონულ აუქციონზე, ცენტრი "სახელმწიფო მომსახურების ბიურომ" გაიტანა.
"კ. ერისთავის სახელობის ექსპერიმენტული და კლინიკური ქირურგიის ეროვნული ცენტრის" საწყისი გასაყიდი ღირებულება 1,1 მლნ. ლარს შეადგენდა. ობიექტს 414648.37 ლარის დებიტორული და 280497.58 ლარის კრედიტორული დავალიანება გააჩნია. საპრივატიზაციო პირობების თანახმად, ინვესტორი ვალდებულია 7 წლის განმავლობაში სამედიცინო დაწესებულებას პროფილი შეუნარჩუნოს.
