"ქრისტიან-დემოკრატები" მზად არიან დაკავებულ ფოტოგრაფებს, გათავისუფლების სანაცვლოდ, მათ თავდებში დაუდგნენ. ამის შესახებ გერმანიის საელჩოს წინ ჟურნალისტების აქციაზე ტელეკომპანია "იმედის" ყოფილმა ჟურნალისტმა და ფრაქცია "ქრისტიან-დემოკრატების" თავმჯდომარემ გიორგი ახვლედიანმა განაცხადა.
მისი თქმით, აღნიშნულიდან გამომდინარე უკვე არ აქვს მნიშვნელობა ადამიანი რა პროფესიის ხარ, როდესაც ხედავ ხელისუფლების მხრიდან ძალადობას და გესმის ის ინფორმაცია, რომლის დაჯერებაც შეუძლებელია. ამ ყველაფრის შემდეგ ხელისუფლების მხრიდან ადეკვატური გადაწყვეტილება იქნებოდა, რომ ფოტოკორესპონდენტები თავდებით გამოეშვათ", - აცხადებს ახვლედიანი.
მისივე თქმით, მისი პოლიტიკური პარტია მზად არის თავდებში ჩაუდგეს ამ ფოტოგრაფებს, რომ სასამართლო პროცესამდე ისინი გამოძიებას არ დაემალებიან და არსად არ გაიქცევიან. ამასთან, ქრისტიან-დემოკრატების ინიციატივით, პარლამენტში დაკავებული ფოტოგრაფების გამოშვების მოთხოვნით ხელმოწერების შეგროვება დაიწყება. გერმანიის საელჩოსთან აქცია ამ წუთებშიც გრძლედება.
აქციაზე იმყოფებიან პოლიტიკური პარტიების წარმომადგენლები და სხვა ცნობილი სახეები მათ შორის არის ლალი მოროშკინა და ყოფილი ჟურნალისტი და ქრისტიან-დემოკრატების წევრი ინგა გრიგოლია.
