ეთნიკური ქართველები, რომლებიც აფხაზეთში ბრუნდებიან უკვე თითქმის ორ ათეულზე მეტი წელია პოლიტიკური კონფლიქტის მძევლები არიან - ნათქვამია ადამიანის უფლებების დამცველი ორგანიზაციის "Human Rights Watch" მიერ დღეს გამოქვეყნებულ ანგარიშში და იქვე აღნიშნულია, რომ დაახლოებით 47 ათასი, საბრძოლო მოქმედებების შედეგად გადაადგილებული პირი გალის რაიონში - აფხაზეთის ყველაზე რთულ რაიონში დაბრუნდა, რომლებიც პირისპირ ხვდებიან სამოქალაქო და პოლიტიკური უფლებების დარღვევას.
71 გვერდიან ანგარიშში გალის რაიონში მაცხოვრებელი ქართველების უფლებებზეა საუბარი, დოკუმენტალურად აღნიშნულია ასევე აფხაზეთის დე-ფაქტო ხელისუფლების თვითნებური ჩარევის ფაქტები დაბრუნებული მოსახლეობის გადაადგილების, განათლებისა სხვა ადამიანის პოლიტიკურ და სამოქალაქო უფლებებში.
"მართალია აფხაზეთი საერთაშორისო სამართლის მიხედვით დამოუკიდებლად აღიარებული არ არის, მაგრამ ამ ქვეყნის ხელისუფლება ვალდებულია პატივი სცეს და დაიცვას ადამიანის უფლებები და თავისუფლებები", _ ნათქვამია ანგარიშში და მითითებულია, რომ აფხაზეთის დე-ფაქტო ხელისუფლება ვალდებულია ადმინისტრაციულ საზღვარზე შეუფერხებელ გადაადგილებას შეუწყოს ხელი და დაიცვას აფხაზეთში მაცხოვრებელი თითოეული ადამიანის უფლება, მათ შორის გალის რაიონში მაცხოვრებელი ქართველების.
აღნიშნული ანგარიში გალის რაიონში მაცხოვრებელი 100-ზე მეტი ადამიანის ინტერვიუზეა აგებული. ანგარიშში ასევე შესრულია აფხაზეთის ოფიაცილური პირებისა და აფხაზეთში მომუშავე საერთაშორისო ორგანიზაციების ინტერვიუები.
