თეთრიწყაროს რაიონის სოფელ იფნარაში მდგომარეობა სტაბილურია. როგორც „ჯი-ეიჩ-ენს" თეთრიწყაროს მუნიციპალიტეტის გამგებლის მოადგილებ ვანო მაგულაშვილმა განუცხადა, სოფლის დატბორვის საშიშროება აღარ არსებობს.
„ძლიერმა წვიმებმა დააზიანა ლიპის წყალსაცავი და კაშხლის სადენიდან აღარ ხდებოდა წყლის გადინება. არსებობდა საშიშროება, რომ ამ კაშხლიდან მომხდარიყო წყლის ერთიანად გადმოდინება და იყო საშიშროება რომ სოფელი დატბორილიყო და შენობები დანგრეულიყო. ახლა კი ორდღიანი მუშაობის შემდეგ შევძელით კაშხლის გახსნა და იმის ალბათობა რომ სოფელი დაიტბოროს თითქმის აღარ არსებობს", - განაცხადა მაგულაშვილმა „ჯი-ეიჩ-ენთან" საუბრისას.
მისივე თქმით, სოფლიდან უსაფრთხოების მიზნით მოხდა ბავშვებისა და ქალების თეთრი წყაროს საავადმყოფოში გადაყვანა.
