საქართველოს საგარეო საქმეთა სამინისტროში მათივე ფოტოგრაფის გია აბდალაძის პიროვნული დახასიათება უჭირთ. როგორც საგარეო საქმეთა მინისტრის მოდგილემ ნინო კალანდაძემ განაცხადა, მიუხედავად იმისა, რომ იგი სამინისტროში პრესის დეპარტამენტის კურატორ-მოადგილეს წარმოადგენს, მას პირადი შეხება აბდალაძესთან არ ჰქონია და მათი ურთიერთობა მხოლოდ სამსახურეობრივ ფარგლებში ხორციელდებოდა.
"მე პირადად გამიჭირდება მისი დახასიათება, რადგან მასთან პირადი ურთიერთობა არ მქონია, გარდა იმისა, რომ იგი იღებდა იმ შეხვედრებს რომლებშიც მეც ვიღებდი მონაწილეობას. რაც შეეხება მის პროფესიულ საქმიანობას აქამდე მის ფოტომასალებთან მიმართებაში დეპარტამენტს პრეტენზიები არ ჰქონიათ", _ აღნიშნა კალანდაძემ.
მისივე თქმით, მას შემდეგ რაც გიორგი აბდალაძე საგარეო საქმეთა სამინისტროში ფოტოგრაფად მუშაობს მის ფოტომასალასთან დაკავშირებით უარყოფითი ზომების მიღება საჭირო არ ყოფილა.
