საქართველოში მოქმედი მედიასაშუალებებისა და ჟურნალისტების ერთობლივი მიმართვას ავრცელებენ და საქართველოში აკრედიტებულ დიპლომატიურ კორპუსს და საერთაშორისო ორგანიზაციებს დაკავებული ფოტორეტოპრტიორებისადმი თანადგომის თხოვნით მიმართავენ.
მიმართვის ტექსტს უცვლელად გთავაზობთ.
ამერიკის შეერთებული შტატების
საგანგებო და სრულუფლებიან
ელჩს საქართველოში
ბატონ ჯონ ბასს
გერმანიის საგანგებო და სრულუფლებიან
ელჩს საქართველოში
ბატონ ორთვინ ჰენიგს
საფრანგეთის საგანგებო და სრულუფლებიან
ელჩს საქართველოში
ბატონ ერნიკ ფურნიეს
დიდი ბრიტანეთის საგანგებო და სრულუფლებიან
ელჩს საქართველოში
ბატონ ჯუდით გოფის
იტალიის საგანგებო და სრულუფლებიან
ელჩს საქართველოში
ქალბატონ ვიტორიო სანდალის
ბელგიის სამეფოს საგანგებო და სრულუფლებიან
ელჩს საქართველოში
ბატონ სტეფან დე ლოკერმს
ავსტრიის საგანგებო და სრულუფლებიან
ელჩს საქართველოში
ბატონ მარიუს კალიგარისს
გაეროს ადამიანის უფლებების დაცვის
უმაღლესი კომისარს
ევროსაბჭოსა და ევროკავშირის წარმომადგენლობებს
დემოკრატიული ქვეყნების მსოფლიო მედიასაშუალებებს
ადამიანის უფლებათა დაცვის ყველა საერთაშორისო ორგანიზაციას
საქართველოში მოქმედი მედიასაშუალებებისა და ჟურნალისტების ერთობლივი მიმართვა
ბატონებო და ქალბატონებო,
თქვენ ბრძანდებით ადამიანის უფლებებისა და თავისუფალი სიტყვის დაცვის გარანტი საქართველოში. თქვენთვის უკვე ცნობილია, რომ ჯაშუშობის ბრალდებით დააკავეს ქართველი ფოტორეპორტიორები და აღნიშნულ საქმეს გრიფი `საიდუმლო~ დაედო. ჩვენთვის აბსოლუტურად ბუნდოვანია კონკრეტულად რა სახის ინფორმაციის და რომელი ქვეყნის სპეცსამსახურებისთვის გადაცემაში ადანაშაულებენ ჩვენს კოლეგებს. ის მასალები, რომელიც შინაგან საქმეთა სამინისტრომ გამოაქვეყნა, არა თუ პასუხს გვაძლევს კითხვებზე, არამედ უფრო მეტ კითხვას აჩენს ვიდრე მანამდე გვქონდა. დაკავებული ფოტორეპორტიორები თანამშრომლობდნენ ამერიკულ და ევროპულ სააგენტოებთან და ასრულებდნენ მათ პროფესიულ მოვალეობას.
ერთ ერთი დაკავებული, გიორგი აბდალაძე, რომელსაც მეხუთე დღეა მშრალი შიმშილობა აქვს გამოცხადებული ამერიკული სააგენტოს `ასოშეიდედ პრესის~ სტრინგერია, ხოლო მეორე ფოტორეპორტიორი, ზურაბ ქურციკიძე ევროპის პრეს ფოტოს წარმომადგენელი საქართველოში. პრაქტიკულად საქართველოს ხელისუფლება ევროპის პრეს ფოტოს აცხადებს, როგორც სპეცსამსახურების საფარქვეშ მოქმედ ჯაშუშურ ორგანიზაციას.
ჩვენ გვაქვს საფუძვლიანი ეჭვი, რომ ეს არის საქართველოს ხელისუფების მხრიდან განხორციელებული ზეწოლა ქართულ მედიაზე და ფოტორეპორტიორების დაკავება არა მათ დანაშაულებრივ ქმედებას, არამედ პროფესიულ საქმიანობას უკავშირდება. ჩვენ გვაქვს ეჭვი, რომ ეს არის ხელისუფლების მაღალჩინოსნების მხრიდან განხორციელებული პირადი ანგარიშწორება.
ჩვენ გვაქვს ბევრი კითხვა, რომლებზედაც პასუხს ვერ ვიღებთ და მხოლოდ თქვენი დახმარების იმედი დაგვრჩა. მხოლოდ თქვენი უშუალო ჩარების შემთხვევაში შეიძლება მოეხსნას ამ საქმეს `საიდუმლო~ გრიფი ან დაკავებულები გაათავისუფლონ პატიმრობიდან.
აქვე მოგმართავთ ყველას:
ჩვენ, აქ ხელის მომწერი ყველა ჟურნალისტი და მედიასაშუალება თავდებში ვუდგებით გიორგი აბდალაძესა და ზურაბ ქურციკიძეს, რომ ისინი გათავისუფლების შემთხვევაში ად დაიმალებიან და ითანამშრომლებენ გამოძიებასთან.
მოგმართავთ თხოვნით, დროულად ჩაერიოთ და მოახდინოთ სათანადო რეაგირება.
დრო ცოტაა... დაკავებული ფოტორეპორტიორის, გიორგი აბდალაძის სიცოცხლე და ჯანმრთელობა საფრთხეშია!!!
