საქართველოს სტატისტიკის ეროვნულ სამსახურში რეორგანიზაციის შედეგად თბილსტატის ნაცვლად ახალი სტრუქტურული ერთეული თბილისის სტატისტიკის ბიურო შეიქმნა.
როგორც "ჯი-ეიჩ-ენს" საქატატიდან აცნობეს, თბილისის სტატისტიკის ბიუროს შექმნის ძირითად მიზანს წარმოადგენს რესპოდენტებთან აქტიური დიალოგის, გამარტივებული მომსახურების და კონსულტაციის უზრუნველყოფა, ელექტრონული სერვისებისა და ინფრასტრუქტურის ცვლილების გზით თანამედროვე, კომფორტული სერვისის უზრუნველყოფა.
თბილისის სტატისტიკის ბიუროს შექმნა ინფრასტრუქტურისა და სერვისების განახლება საქსტატის მხრიდან სისტემური რეფორმაა და პროგრესული წინგადადგმული ნაბიჯი იქნება რესპონდენტების მხრიდან საქსტატთან წარმატებული თანამშრომლობისა და მონაცემთა საიმედოობის ზრდის მიმართულებით.
საქსტატის გაუმჯობესებული მომსახურება წარმოადგენს იმ სტრატეგიის ქვაკუთხედს, რომელიც ემსახურება რესპოდენტებთან და სტატისტიკური ინფორმაციის მომხმარებლებთან წარმატებულ თანამშრომლობას. მომსახურების სისტემის განახლება წინაპირობაა სანდო და საიმედო ინფორმაციის მოპოვებისა და სტატისტიკური საქმიანობის განვითარებისათვის.