"ჩვენ არ მიგვაჩნია, რომ ტერიტორია დაკარგულია და მიგვაჩნია, რომ ეს ტერიტორია დროებით ოკუპირებულია რუსეთის ფედერაციის მიერ და ნებისმიერი ოკუპაცია სრულდება", _ განაცხადა საქართველოს პრეზიდენტმა მიხეილ სააკაშვილმა რადიოსადგურ "ეხო მოსკვის"-თვის მიცემულ ინტერვიუში და აღნიშნა, რომ "ოკუპაცია ეს მძიმე სიტყვაა და მას არა მხოლოდ ჩვენ, არამედ ევროპარლამენტი, აშშ და მსოფლიოს ქვეყნების პარლამენტები და მთავრობები იყენებენ. რუსეთისთვის კი ეს ტერმინი კატეგორიულად მიუღებელია", _ აცხადებს პრეზიდენტი და ხაზგასმით აღნიშნავს, რომ საქართველოს ძალის გამოუყენებლობის გარანტია უკვე აღებული აქვს და ის რასაც რუსეთი მისგან მოითხოვს - საქართველოს არც ერთი მთავრობის პირობებში არასოდეს მოხდება.
"ევროპარლამენტში ოფიციალურად აგვიღე ჩემს თავზე ვალდებულება არასოდეს გამოვიყენოთ ძალა. მეტიც, ამის შესახებ ოფიციალური წერილები გავაგზავნეთ (ეს იურიდიული დოკუმენტია) გაეროში და სადავლეთის ქვეყნების ლიდერებთან როგორც ერთგვარი ცალმხივი გარანტია საქართველოს მხრიდან.
მაგრამ ის რასაც რუსეთი ჩვენგან მოითხოვს - ეს სრულიად განსხვავეული რამ არის. ისინი მოითხოვენ, რომ ჩვენ პრაქტიკულად ვაღიაროთ ეს ტერიტორიები როგორც დამოუკიდებელი ქვეყნები, მათთან შეთანხმებები გავაფორმოთ და რუსეთის ოკუპაციის ლეგალიზება მოვახდინოთ. ეს არ იქნება საქართველოს არც ერთი მთავრობის პირობებში", _ აცხადებს მიხეილ სააკაშვილი.
