მანქანების რეალიზაცია მომავალი წლის შემოდგომით დაიწყება. ორ წლიანი გამოცდის შემდეგ, Terrafugia Transition-ის ჰიბრიდულმა ავტომობილმა ამერიკის გზებზე გადაადგილების უფლება უკვე მოიპოვა, წერს The Daily Mail.

Terrafugia-ის ჰიბრიდული ავტომობილის შეძენა მსურველს 200 ათას დოლარად შეუძლია. იმავდროულად მფრინავი ავტომობილის დაჯავშნა ინტერნეტითაცაა შესაძლებელი, თუმცა ამ დროისათვის მსურველს დეპოზიტზე 10 ათასი დოლარი უნდა გააჩნდეს.
Terrafugia Transition-ის მფრინავი ავტომობილი, უსაფრთხოების მიზნით გასაბერი ბალიშებითაა აღჭურვილი. იმავდროულად ჰიბრიდის მინა გათვლილია, როგორც მიწაზე სასუარულოდ, ასევე საფრენადაც.

მფრინავი ავტომობილი 2 ადამიანზეა გათვლილი. ფრთების გაშლის შემდეგ ავტომობილის სიგანე 8 მეტრია. ჰიბრიდი მიწაზე 100 კმ/სთ-ს ავითარებს, ხოლო ცაში 185 კმ/სთ-ს.
აღსანიშნავია, რომ მანქანას ასფრენად 500 მეტრი ესაჭიროება. ერთადერთი ნაკლი რაც მფრინავ ავტომობილს გააჩნია, ეს არის ის, რომ ავტომობილს არ აქვს სიჩქარის გადამრთველი კოლოფი. ფრენისას ავტომობილი სპეციალური ჯოისტიკებით იმართება, რომელიც საჭის გვერდითაა დამონტაჟებული.