სომხეთის კათალიკოსი გარეგინ მეორე არაფრით გამოირჩევა ოლიგარქებისა და სერიალებში წარმოდგენილი მაფიოზებისგან, - ამის შესახებ აცხადებს სომხური გამოცემა "არავოტის" რედაქტორი სომხეთის პატრიარქისა და საქართველოს კათალიკოს პატრიარქის შეხვედრის ინტერნეტში გავრცელებულ ვიდეოჩანაწერზე კომენტარისას.
"ამ ჩანაწერში გარეგინ მეორემ წარმოაჩინა თავისი აღზრდილობა, აზროვნების სტილი და არსი. კიდევ ერთხელ ნათელი გახდა, რომ ის არაფრით განსხვავდება ჩვენი ოლიგარქებისგან, რომელთათვისაც ურთიერთობის გარკვევის ფორმას წარმოადგენს "ბაზარი" და "საქმის გარჩევა" შესაბამისი ლექსიკური მარაგითა და არგუმენტების დონით. კათალიკოსი ასევე ჰგავს სერიალების მაფრიოზებს, რომელთა" ნათელსახებსაც" დღეადაღამე ქმნიან ჩვენი არხები, რათა ახალგაზრდა თაობას ჰქონდეს იდეალი, რომლისკენაც უნდა ისწრაფვოდეს. ამიტომაც, ის ფაქტი, რომ ჩვენ ასეთი სომეხთა კათალიკოსი გვყავს, არ არის შემთხვევითი. ეს არის სარკე ჩვენი გონიერი და სულიერი დეგრადაციის. ჩემთვის იყო გასაკვირი ის, რომ სომეხთა სულიერი ლიდერი ცდილობდა ესაუბრა ილია მეორესთან "შენობით", რასაც ის რბილად ეწინააღმდეგებოდა. მე რა თქმა უნდა, არ ვიცი ეტიკეტის როგორი ნორმები არსებობს სომხურ საეკლესიო "ბიზნესელიტაში", თუმცა ჩვენთან ჩვეულებრივ სომხებთან, მიღებულია, რომ უფროსი ასაკის ადამიანთან უნდა ისაუბრო "თქვენობით" და მუდმივად მუხლებზე არ უნდა ურტყა ხელი", - წერს გამოცემა.