"ვისოლ ჯგუფი" სუპერმარკეტ „სმარტის" ქსელის გაფართოებას განაგრძობს დღეს, 9 ივლისს, 12:00 საათზე, ბათუმში, ტბელ აბუსერიძის ქუჩაზე, ახალი ობიექტის მშენებლობას იწყებს.
ტბელ აბუსერიძის ქუჩის მახლობლად მდებარე სავაჭრო ცენტი 6500 კვადატულ მეტრზე იქნება განთავსებული და ულტრათანამედროვე სამშენებლო მასალითა და ტექნოლოგიით აშენდება. შენობას განსაკუთრებული არქიტექტურა ექნება, რომელიც მთლიანად შერწყმულია განახლებული ბათუმის სტილთან.
მაღალტექნოლოგიურ სავაჭრო ცენტრში სუპერმარკეტი „სმარტის" გარდა სხვადასხვა სავაჭრო ობიექტი განთავსდება. ყოველდღიური მოხმარების პროდუქტების ფართო არჩევანი და ზომიერი ფასები სუპერმარკეტში, გერმანული საცხობი, ინტერნეტზონა (WIFI), აფთიაქი, ბანკის ფილიალი, სხვადასხვა ტიპის მაღაზიები,ბავშვთა კუთხე მომხმარებელს სრულ კომფორტს შეუქმნის.
აღნიშნული ობიექტის მშენებლობაში რამდენიმე მილიონი ლარის ინვესტიცია განხორციელდება. სამშენებლო სამუშაოში ვისოლ ჯგუფის შვილობილი სამშენებლო კომპანია „დელტას" გარდა უცხოელი კონსულტანტებიც მიიღებენ მონაწილეობას.
პროექტი თანამედროვე სავაჭრო ცენტრის მიმდებარე ტერიტორიის კეთილმოწყობასაც ითვალისწინებს. მოსახერხებელი პარკირების ზონა მომხმარებელს დამატებით კომფორტს შეუქმნის.
ბათუმის თანამედროვე სავაჭრო ცენტრში 200-მდე ადამიანი დასაქმდება. ყველა თანამშრომელი უფასო კვებითა და ჯანმრთელობის დაზღვევით ისარგებლებს. მშენებლობის დასრულება 2012 წლისთვის იგეგმება.
ივლისში სუპერმარკეტი სმარტი თბილისში - ვაზისუბანში გაიხსნება. პარალელურად სუპერმარკეტი სმარტის მშენებლობა მიმდინარეობს და წლის ბოლომდე დასრულდება ფოთში, გორში, მარნეულში, ყვარელსა და ზუგდიდში. სუპერმარკეტების ქსელი სხვადასხვა ფორმატის იქნება. მომავალი სამი წლის განმავლობაში ვისოლ ჯგუფი "სმარტის" სუპერმარკეტების ქსელის მნიშვნელოვან გაფართოებას გეგმავს და 3000-მდე ადამიანს დაასაქმებს.
ვისოლ ჯგუფმა ახალი მიმართულების განვითარება 2010 წლის დეკემბერში დაიწყო და „სმარტის" პირველი სუპერმარკეტი აღმაშენებლის ხეივნის მე-13 კილომეტრზე ვისოლის ავტოგასამართ სადგურთან გახსნა.
