ევროპის ფოტო სააგენტოს, EPA-ს მთავარი რედაქტორი სენგიზ სერენი, აღნიშნული სააგენტოს თანამშრომელ, ზურაბ ქურციკიძის დაკავებასთან დაკავშირებით განცხადებას ავრცელებს.
„EPA-ს მენეჯმენტი გაოცებული და უკიდურესად შეწუხებულია ახალი ამბით, რომელიც ეხება ჩვენი ფოტოგრაფის საქართველოს რესპუბლიკაში ზურაბ ქურციკიძის დაკავებასა და დაკითხვას, რომელიც გავრცელებული ინფორმაციით დაკავებულია შინაგან საქმეთა სამინისტროს კონტრდაზვერვის დეპარტამენტის მიერ 6 ივლისის ღამეს. მე როგორც EPA-ს მთავარ რედაქტორს მსურს განვაცხადო, რომ იმ წლების გამნავლობაში რაც ზურაბი ჩვენთან თანამშრომლობდა ის მუშაობდა ჟურნალიტური ეთიკის მაცრი დაცვით (პატივისცემით) და ხელმძღვანელობდა ჩარჩოებით რომელიც ავტორიზებულია საქართველოს ხელისუფლების მიერ. მეტიც, ამ მუშაობის პერიოდში, EPA-ს არასდროს უთხოვია მისთვის, რომ გაეშუქებინა მოვლენა რომელიც წინააღმდეგობაში მოვიდოდა ჟურნალისტურ ეთიკასთან ან საქართველოს რესპუბლიკის კანონმდებლობასთან. იგივე ეხება ნებისმიერ ფოტოგრაფს, რომელიც მუშაობს ჩვენი სააგენტოსთვის. შესაბამისად, ჩვენ დარწმუნებულები ვართ, რომ საქართველოს ხელისუფლება მომდევნო რამდენიმე საათში გამოასწორებს ამ შეცდომას და ზურაბ ქურციკაძეს დაუბრუნდება თავისუფლება", - აღნიშნულია განცხადებაში, რომლის ქართულ ვერსიას ჟურნალი „ლიბერალი" ავრცელებს.
შეგახსენებთ, რომ ჯაშუშობის ბრალდებით დაკავებულები არიან პრეზიდენტის პირადი ფოტოგრაფი ირაკლი გედენიძე და მის მეუღლე ნათია გედენიძე, ასევე საგარეო საქმეთა სამინისტროს ფოტოგრაფი გიორგი აბდალაძე და ევროპის ფოტო სააგენტოს ფოტოგრაფი ზურაბ ქურციკიძე.
