ბათუმში, ქართულ და თურქულ მხარეებს შორის შეხვედრები გაიმართა. განიხილეს თურქეთ-საქართველოს შორის ელექტროენერგიით ტრანსსასაზღვრო ვაჭრობის საერთაშორისო შეთანხმების პროექტი, რომლის გაფორმებაც საქართველოს და თურქეთის მთავრობებს შორის იგეგმება.
სახელმწიფო ელეტროსისტემის ინფორმაციით, აღნიშნული შეთანხმება საჭირო გახდა მას შემდეგ, რაც საქართველომ დაიწყო ახალი 400-კილოვოლტიანი ელექტროგადამცემი ხაზის "ბორჩხა-ახალციხე" მშენებლობა თურქეთის მიმართულებით, რაც მნიშნველოვნად გაზრდის იმპორტ-ექსპორტისა და ტრანზიტის მოცულობას.
თურქეთის მხრიდან 11-კაციან დელეგაციას ხელმძღვანელობდა თურქეთის ენერგეტიკისა და ბუნებრივი რესურსების სამინისტროს საერთაშორისო ურთიერთობების დეპარტამენტის ხელმძღვანელი მიურატ კარაპინარი.
საქართველოს მხრიდან შეხვედრას ესწრებოდნენ საქართველოს ენერგეტიკისა და ბუნებრივი რესურსების სამინისტროს, "საქართველოს სახელმწიფო ელექტროსისტემისა" და "ესკოს" წამრმომადგენლები, აგრეთვე პროექტის შემუშავებაში მონაწილე საერთაშორისო ექსპერტები.
შეხვედრისას გადაწყდა, რომ შეთანხმების პროექტის შემდგომი განხილვა გაიმართოს თურქეთში, ქალაქ ანკარაში, აგვისტოში გაიმართება.
