დამწვრობის ცენტრს გარუჯვის შედეგად დამწვარმა კიდევ ექვსმა ადამიანმა მიმართა. მათგან სტაციონარული მკურნალობა 16 წლის გოგონას დასჭირდა. მას სხეულის პირველი და მეორე ხარისხის დამწვრობა აღენიშნება.
ამ დროისათვის კლინიკაში სულ ოთხი პაციენტი რჩება, მათ შორის არის ახალგაზრდა გოგონა, რომელმაც სხეულის გასარუჯად ლეღვის ნახარში გამოიყენა, მას უკვე რამდენიმე დღეა მკურნალობენ.
ექიმების თქმით, წელს წინა წლებთან შედარებით გარუჯვის მიზნით დამწვართა რაოდენობამ იმატა. მხოლოდ ბოლო ერთი თვის განმავლობაში ცენტრს 30-მა ადამიანმა მიაკითხა.
