ინტერნეტ მედია გამოცემა - Presage.tv-ის რედაქცია სოლიდარობას უცხადებს დაკავებულ ფოტორეპორტიორებს ზურაბ ქურციკიძეს, ირაკლი გედენიძეს, ირინა გედენიძეს, გია აბდალაძეს და მათ ოჯახებს.
ჩვენთვის აბსოლუტურად მიუღებელია ამ ადამიანების მოღალატეებად და ჯაშუშებად მოხსენიება, როცა ჯერ გამოძიებაც არ ჩატარებულა. დაკავებულების საქმეზე „გრიფით საიდუმლო" დადება კიდევ უფრო ამყარებს ეჭვებს, რომ როგორც სხვა ბევრ შემთხვევაში, ჟურნალისტების საქმეს მტკიცებულებები აკლია.
მოვითხოვთ, რომ ხელისუფლება, ამჯერადაც მაინც ნუ იმოქმედებს საზოგადოების ზურგს უკან და მოგვცეს საშუალება გავერკვეთ ფოტორეპორტიორების დაკავების რეალურ მიზეზებში. წინააღმდეგ შემთხვევაში, უფლებას ვიტოვებთ ეჭვი გვქონდეს, რომ ხელისუფლება კვლავ აგრძლებს თავისუფალი მედიის დაშინების პოლიტიკას.
ხვალ, შესაძლოა, ჩვენი კრიტიკული წერილები თუ სიუჟეტები სახელმწიფოს საზიანოდ მიიჩნიონ და თითოეული ჩვენთაგანი იმავე საფრთხის წინაშე აღმოვჩნდეთ, როგორშიც ჩვენი კოლეგები არიან.
ვთხოვთ მედიაკორპუსს, პოლიტიკურ პარტიებს და სრულიად საზოგადოებას სოლიდურები ვიყოთ მოთხოვნაში, გამჭვირვალედ იქნას გამოძიებული აღნიშნული საქმე.
