ივნისში წინა თვესთან შედარებით საქართველოში ინფლაციის დონემ -4,0 პროცენტი შეადგინა. "საქსტატის" ინფორმაციით, ინფლაციის მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ ჯგუფებზე: • სურსათი და უალკოჰოლო სასმელები: ფასები შემცირდა 8,9 პროცენტით. შესაბამისად, ჯგუფის წვლილმა ივნისის თვის ინფლაციაში -4,13 პროცენტული პუნქტი შეადგინა. აღნიშნულ ჯგუფში ფასები მნიშვნელოვნად შემცირდა ხილისა და ყურძნის ქვეჯგუფზე - 28,6 პროცენტით,
ბოსტნეულსა და ბაღჩეულზე - 26,2 პროცენტით და შაქარსა და ტკბილეულობაზე - 5,7 პროცენტით.
ჯანმრთელობის დაცვა: მოცემულ პერიოდში ფასები გაიზარდა 2,1 პროცენტით. ჯგუფის წვლილმა ინფლაციის საერთო მაჩვენებელში 0,16 პროცენტული პუნქტი შეადგინა. ფასები გაიზარდა სტომატოლოგიურ მომსახურებაზე - 7,5 პროცენტით და საავადმყოფოების მომსახურებაზე - 3,3 პროცენტით
