ჩრდილოეთ გვატემალაში, ქალაქ სან პედრო კარჩაში, ადგილობრივმა მოსახლეობამ 6 ადამიანი ლინჩის წესით გაასამართლა. როგორც ადგილობრივი მედია იუწყება, გასამართლებულებს შორის 5 კაცი და ერთი ქალია. ექვსივე მათგანი დაიღუპა. მოსახლეობამ აღნიშნული ადამიანები სიმინდის ყანაში ჩაქოლეს.
ადგილობრივების განცხადებით, ყველა მათგანი ბიზნესმენი იყო. გასამართლების მიზეზი ადგილობრივი ბიზნესმენის, ნიკოლას ჩოკის მკვლელობა გახდა. მოსახლეობამ ჩოკის მკვლელობაში ეს 6 ადამიანი დაადანაშაულა.
სტატისტიკური მონაცემების თანახმად, 2004 წლის შემდეგ გვატემალაში 194 ადამიანი გაასამართლეს ლინჩის წესით. გვატემალის ადამიანის უფლებათა დამცველი ორგანიზაციის ინფორმაციით, აღნიშნული წესით გასამართლება ძირითადად პატარა პროვინციებში ხდება, რადგან მოსახლეობას მართლმსაჯულების არ სჯერათ.
